ಹೆನ್ರಿ ಜುದಾ ಹೈಮ್ಲಿಚ್ (1920–2016) ಒಬ್ಬ ಅಮೆರಿಕನ್ ಎದೆಗೂಡಿನ ಶಸ್ತ್ರಚಿಕಿತ್ಸಕ ಹಾಗೂ ವೈದ್ಯಕೀಯ ಸಂಶೋಧಕ. ಅವರು ಉಸಿರುಗಟ್ಟುವಿಕೆಯನ್ನು (ಚೋಕಿಂಗ್) ತಪ್ಪಿಸಲು ಹೊಟ್ಟೆಗೆ ಒತ್ತಡ ನೀಡುವ ತುರ್ತು ತಂತ್ರವನ್ನು ಸಂಶೋಧಿಸಿ ಅಭಿವೃದ್ಧಿಪಡಿಸಿದರು. 1974ರಲ್ಲಿ ಈ ತಂತ್ರವನ್ನು ಮೊದಲ ಬಾರಿ ವಿವರಿಸಲಾಯಿತು.

ಹೈಮ್ಲಿಚ್ ಮ್ಯಾನೋವರ್ ಎಂದರೇನು?
ಆಹಾರ ಅಥವಾ ವಸ್ತು ಕಂಠದಲ್ಲಿ ಸಿಲುಕಿ ಉಸಿರಾಟ ನಿಲ್ಲುವ ಸಂದರ್ಭ ಬಂದಾಗ ಬಳಸುವ ತುರ್ತು ಚಿಕಿತ್ಸೆ.

ಹೇಗೆ ಮಾಡುವುದು?
ಪೀಡಿತ ವ್ಯಕ್ತಿಯ ಹಿಂದೆ ನಿಂತುಕೊಂಡು, ಇಬ್ಬು ಕೈಗಳಿಂದ ಹೊಟ್ಟೆ ಭಾಗವನ್ನು ಹಿಡಿಯಬೇಕು.
ಒಂದು ಕೈ ಮುಷ್ಟಿ ಮಾಡಿ, ಅದನ್ನು ನಾಭಿಯ ಮೇಲ್ಭಾಗದಲ್ಲಿ ಇರಿಸಬೇಕು.
ಇನ್ನೊಂದು ಕೈಯಿಂದ ಆ ಮುಷ್ಟಿಯನ್ನು ಬಿಗಿಯಾಗಿ ಹಿಡಿದು, ಒಳಕ್ಕೆ ಮತ್ತು ಮೇಲಕ್ಕೆ ಎತ್ತಿ ಬಿಡಬೇಕು.
ಈ ಒತ್ತಡದಿಂದ ಕಂಠದಲ್ಲಿ ಸಿಲುಕಿರುವ ಆಹಾರ ಹೊರಗೆ ತಳ್ಳಲ್ಪಡುತ್ತದೆ.

ಗಮನಿಸಬೇಕಾದುದು
ಗರ್ಭಿಣಿಯರು ಮತ್ತು ಶಿಶುಗಳಿಗೆ ಈ ವಿಧಾನ ಅನ್ವಯಿಸುವುದಿಲ್ಲ. ಅವರಿಗೆ ಬ್ಯಾಕ್ ಬ್ಲೋಸ್ (ಮೇಲ್ಭಾಗದ ಬೆನ್ನಿಗೆ ಬಲವಾಗಿ ಹೊಡೆಯುವುದು) ಉಪಯೋಗಿಸುತ್ತಾರೆ.
ಹೈಮ್ಲಿಚ್ ಮ್ಯಾನೋವರ್ ಮಾಡಿದ ನಂತರ ಕೂಡಲೇ ಆಂಬ್ಯುಲೆನ್ಸ್‌ನ್ನು ಕರೆಸುವುದು ಅಗತ್ಯ.
ಇದು ತುರ್ತು ನೆರವು ಮಾತ್ರ, ವೈದ್ಯಕೀಯ ಚಿಕಿತ್ಸೆಗೆ ಬದಲಿ ಅಲ್ಲ.