FASTag: ಭಾರತ ಸರ್ಕಾರವು ಫಾಸ್ಟ್ಯಾಗ್(FASTag) ಬಳಕೆದಾರರ ಅನುಭವವನ್ನು ಸುಲಭಗೊಳಿಸಲು ಹೊಸ ವಾರ್ಷಿಕ ಟೋಲ್ ಪಾಸ್ ಯೋಜನೆಗಳನ್ನು ಪರಿಚಯಿಸಲು ಯೋಜನೆಗಳನ್ನು ಕೈಗೊಂಡಿದೆ. ಈ ಯೋಜನೆಗಳಡಿ, ಪ್ರೈವೇಟ್ ವಾಹನ ಮಾಲೀಕರು ₹3,000 ರಷ್ಟು ವಾರ್ಷಿಕ ಪಾಸ್ ಅನ್ನು ಖರೀದಿಸಿ, ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ನಿರಂತರ ಪ್ರಯಾಣವನ್ನು ಅನುಭವಿಸಬಹುದು. ಈ ಹಿಂದೆ ₹30,000 ರಷ್ಟು ಆಯುಷ್ಕಾಲಿಕ ಪಾಸ್ 15 ವರ್ಷಗಳ ಮಾನ್ಯತೆಯಿದ್ದ ಯೋಜನೆಯನ್ನು ಕೈಬಿಡಲಾಗಿದೆ.
ಈ ಯೋಜನೆಯು ರಸ್ತೆ ಪ್ರಯಾಣವನ್ನು ಕಡಿಮೆ ವೆಚ್ಚದಾಯಕ ಮತ್ತು ಹೆಚ್ಚು ಪರಿಣಾಮಕಾರಿ ಮಾಡಲಿದೆ. ನೀವು ಪದೇ ಪದೇ ರಿಚಾರ್ಜ್ ಮಾಡುವ ಗೊಂದಲದಿಂದ ತಪ್ಪಿಸಿಕೊಳ್ಳಬಹುದಾಗಿದೆ. ದೂರ ಸಂಚಾರ ಮಾಡುವವರಿಗೆ ಪ್ರತಿ ಟೋಲ್ ಗೇಟ್ ನಲ್ಲಿ ಕಟ್ಟುವುದು ತಪ್ಪುತ್ತದೆ ಮತ್ತು ಇದರಿಂದ ಪ್ರಯಾಣ ತುಂಬಾ ಸುಗಮವಾಗುತ್ತದೆ. ಈ ಎಲ್ಲಾ ಅಂಶಗಳನ್ನು ಪರಿಗಣಿಸಿ ಭಾರತ ಸರಕಾರದ ಸಾರಿಗೆ ಸಚಿವಾಲಯ ಈ ಯೋಜನೆಯನ್ನು ಜಾರಿಗೆ ತಂದಿದೆ.
ಫಾಸ್ಟ್ಯಾಗ್ ವಾರ್ಷಿಕ ಪಾಸ್ ₹3,000
ಈ ವಾರ್ಷಿಕ ಪಾಸ್ ಅನ್ನು ಖರೀದಿಸಿದರೆ, ನೀವು ಒಂದು ವರ್ಷ ಕಾಲ ಯಾವುದೇ ರಾಷ್ಟ್ರೀಯ ಹೆದ್ದಾರಿ ಅಥವಾ ಎಕ್ಸ್‌ಪ್ರೆಸ್‌ವೇಗಳಲ್ಲಿ ನಿರಂತರವಾಗಿ ಪ್ರಯಾಣಿಸಬಹುದು ಮತ್ತು ಪ್ರತಿಯೊಂದು ಟೋಲ್ ಪ್ಲಾಜಾದಲ್ಲಿ ಪಾವತಿ ಮಾಡುವ ಅಗತ್ಯವಿಲ್ಲ. ಈ ಪಾಸ್ ಫಾಸ್ಟ್ಯಾಗ್ ವ್ಯವಸ್ಥೆಯೊಂದಿಗೆ ಇಂಟಿಗ್ರೇಟ್ ಆಗಿದ್ದು, ನಿಮ್ಮ ವಾಹನದ ಫಾಸ್ಟ್ಯಾಗ್ ಮೂಲಕ ಟೋಲ್ ಪ್ಲಾಜಾಗಳಲ್ಲಿ ಸ್ವಯಂಚಾಲಿತವಾಗಿ ಪರಿಶೀಲನೆ ನಡೆಯುತ್ತದೆ.
ಈ ಯೋಜನೆಯ ಪ್ರಯೋಜನಗಳು
ನಿತ್ಯ ಅಥವಾ ನಿಯಮಿತವಾಗಿ ಹೆದ್ದಾರಿಗಳಲ್ಲಿ ಪ್ರಯಾಣಿಸುವವರಿಗೆ ಇದು ಆರ್ಥಿಕವಾಗಿ ಲಾಭದಾಯಕ. ಫಾಸ್ಟ್ಯಾಗ್ ಬಳಕೆ ಹೆಚ್ಚಳದಿಂದ ಟೋಲ್ ಪ್ಲಾಜಾಗಳಲ್ಲಿ ದಟ್ಟಣೆ ಕಡಿಮೆಯಾಗುತ್ತದೆ. ನಗದು ಪಾವತಿಗಳನ್ನು ಕಡಿಮೆ ಮಾಡಿ, ಡಿಜಿಟಲ್ ಪಾವತಿಗಳನ್ನು ಉತ್ತೇಜಿಸುತ್ತದೆ. ಟೋಲ್ ಪ್ಲಾಜಾಗಳಲ್ಲಿ ನಿಲ್ಲಿಸುವ ಅಗತ್ಯವಿಲ್ಲದೆ, ಪ್ರಯಾಣಿಕರು ನಿರಂತರವಾಗಿ ಸಾಗಬಹುದು.
ಯಾರಿಗೆ ಇದು ಸೂಕ್ತವಲ್ಲ?
ನಮ್ಮಲ್ಲಿ ಕೆಲವರು ವರ್ಷದಲ್ಲಿ ಒಂದೆರಡು ಬಾರಿ ಮಾತ್ರ ದೂರ ಪ್ರಯಾಣಿಸುತ್ತಾರೆ. ಅವರಿಗಾಗಿ ಈ ವಾರ್ಷಿಕ ಪಾಸ್ ಆರ್ಥಿಕವಾಗಿ ಲಾಭದಾಯಕವಲ್ಲ. ಅಂತಹವರು ತಮ್ಮ ಫಾಸ್ಟ್ಯಾಗ್ ಖಾತೆಯನ್ನು ನಿಯಮಿತವಾಗಿ ರಿಚಾರ್ಜ್ ಮಾಡುವುದೇ ಉತ್ತಮ.
ಹೇಗೆ ಅರ್ಜಿ ಸಲ್ಲಿಸಬೇಕು?
ಬ್ಯಾಂಕ್ ವೆಬ್‌ಸೈಟ್ ಅಥವಾ ಮೊಬೈಲ್ ಆಪ್ ಮೂಲಕ:
ನಿಮ್ಮ ಫಾಸ್ಟ್ಯಾಗ್ ನೀಡಿದ ಬ್ಯಾಂಕ್‌ನ ವೆಬ್‌ಸೈಟ್ ಅಥವಾ ಮೊಬೈಲ್ ಆಪ್‌ಗೆ ಲಾಗಿನ್ ಮಾಡಿ.
"ಫಾಸ್ಟ್ಯಾಗ್ ರಿಚಾರ್ಜ್" ವಿಭಾಗವನ್ನು ಆಯ್ಕೆಮಾಡಿ.
ನಿಮ್ಮ ವಾಹನದ ನೋಂದಣಿ ಸಂಖ್ಯೆ ಅಥವಾ ಫಾಸ್ಟ್ಯಾಗ್ ಐಡಿ ನಮೂದಿಸಿ.
ರಿಚಾರ್ಜ್ ಮೊತ್ತವನ್ನು ನಮೂದಿಸಿ ಮತ್ತು ಪಾವತಿ ವಿಧಾನವನ್ನು ಆಯ್ಕೆಮಾಡಿ (ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್, ಯುಪಿಐ, ಇತ್ಯಾದಿ).
ಪಾವತಿಯನ್ನು ಪೂರ್ಣಗೊಳಿಸಿ.
ಉದಾಹರಣೆಗೆ, HDFC ಬ್ಯಾಂಕ್, ICICI ಬ್ಯಾಂಕ್, Axis ಬ್ಯಾಂಕ್, Bajaj Finserv, Freecharge, Recharge1, Paytm, ಇತ್ಯಾದಿ ವೇದಿಕೆಗಳು ಫಾಸ್ಟ್ಯಾಗ್ ರಿಚಾರ್ಜ್ ಸೇವೆಯನ್ನು ಒದಗಿಸುತ್ತವೆ.
ಯುಪಿಐ ಆಪ್‌ಗಳು (Google Pay, PhonePe, Paytm, ಇತ್ಯಾದಿ):
ನಿಮ್ಮ ಆಯ್ಕೆಯ ಯುಪಿಐ ಆಪ್‌ನ್ನು ತೆರೆಯಿರಿ.
"ಫಾಸ್ಟ್ಯಾಗ್ ರಿಚಾರ್ಜ್" ವಿಭಾಗವನ್ನು ಹುಡುಕಿ.
ನಿಮ್ಮ ಫಾಸ್ಟ್ಯಾಗ್ ನೀಡಿದ ಬ್ಯಾಂಕ್ ಆಯ್ಕೆಮಾಡಿ.
ನಿಮ್ಮ ವಾಹನದ ನೋಂದಣಿ ಸಂಖ್ಯೆ ಅಥವಾ ಫಾಸ್ಟ್ಯಾಗ್ ಐಡಿ ನಮೂದಿಸಿ.
ರಿಚಾರ್ಜ್ ಮೊತ್ತವನ್ನು ನಮೂದಿಸಿ ಮತ್ತು ಪಾವತಿ ಪೂರ್ಣಗೊಳಿಸಿ.
ಈ ಹೊಸ ಟೋಲ್ ಪಾಸ್ ವ್ಯವಸ್ಥೆ ಪ್ರಯಾಣಿಕರಿಗೆ ಸುಲಭ ಮತ್ತು ಆರ್ಥಿಕ ಪ್ರಯಾಣ ಅನುಭವವನ್ನು ಒದಗಿಸುತ್ತದೆ. ನೀವು ನಿಯಮಿತವಾಗಿ ಹೆದ್ದಾರಿಗಳಲ್ಲಿ ಪ್ರಯಾಣಿಸುವವರಾದರೆ, ಈ ಪಾಸ್ ನಿಮ್ಮ ಪ್ರಯಾಣವನ್ನು ಸುಲಭಗೊಳಿಸಬಹುದು.
