ಮಂಗಳೂರು: ಈಡಿಗ, ಬಿಲ್ಲವ, ನಾಮಧಾರಿ ಹಾಗೂ ಇತರ ಸಮುದಾಯಗಳ ದೀರ್ಘಕಾಲದ ಬಾಕಿ ಬೇಡಿಕೆಗಳನ್ನು ಸರ್ಕಾರ ಪೂರೈಸಬೇಕೆಂದು ಒತ್ತಾಯಿಸಿ ಬ್ರಹ್ಮಶ್ರೀ ನಾರಾಯಣ ಗುರು ಶಕ್ತಿ ಪೀಠದ ಮುಖ್ಯಸ್ಥ ಪ್ರಣವಾನಂದ ಸ್ವಾಮೀಜಿ ಜನವರಿ 6ರಿಂದ ಕಲ್ಬುರ್ಗಿಯ ಕರಡಾಲದಿಂದ ಬೆಂಗಳೂರುವರೆಗೆ 41 ದಿನಗಳ 700 ಕಿ.ಮೀ ಪಾದಯಾತ್ರೆ ಆರಂಭಿಸುತ್ತಿದ್ದಾರೆ. ದಿನಕ್ಕೆ 20 ಕಿ.ಮೀ ನಡೆದು, 15 ಸ್ಥಳಗಳಲ್ಲಿ ಸಾರ್ವಜನಿಕ ಸಭೆಗಳು ನಡೆಯಲಿವೆ ಎಂದು ತಿಳಿಸಿದ್ದಾರೆ.

ಸ್ವಾಮೀಜಿಯ ಮುಖ್ಯ ಆರೋಪಗಳು ಮತ್ತು ಬೇಡಿಕೆಗಳು:

ಕಾಂಗ್ರೆಸ್ ಪ್ರಣಾಳಿಕೆಯಲ್ಲಿ ಭರವಸೆ ನೀಡಿದ್ದ ನಾರಾಯಣ ಗುರು ಅಭಿವೃದ್ಧಿ ನಿಗಮಕ್ಕೆ 250 ಕೋಟಿ ರೂ. ಅನುದಾನ ಕಳೆದ ಎರಡು ವರ್ಷಗಳಿಂದ ಬಿಡುಗಡೆಯಾಗಿಲ್ಲ.

ನಿಗಮಕ್ಕೆ ಅಧ್ಯಕ್ಷರನ್ನಾಗಿ ಮಂಜುನಾಥ ಪೂಜಾರಿ ಅವರನ್ನು ನೇಮಿಸಿದರೂ ನೇಮಕಾತಿ ಆದೇಶವಿಲ್ಲ, ಕಚೇರಿಯೂ ಸ್ಥಾಪಿತವಾಗಿಲ್ಲ.

ಕಲ್ಯಾಣ ಕರ್ನಾಟಕದಲ್ಲಿ ಸೇಂದಿ ನಿಷೇಧದಿಂದ ಸಮುದಾಯದವರು ಸಂಕಷ್ಟಕ್ಕೆ ಸಿಲುಕಿದ್ದು, ಅವಶ್ಯಕ ಸೌಲಭ್ಯ ಮತ್ತು ಬೆಂಬಲ ಅಗತ್ಯ.

ವಿಧಾನಸೌಧದ ಮುಂದೆ ನಾರಾಯಣ ಗುರುಗಳ ಪ್ರತಿಮೆ, ಸೇರಿದಂತೆ ಕೋಟಿ ಚೆನ್ನಯ್ಯ ಅಭಿವೃದ್ಧಿಗೆ 100 ಕೋಟಿ ರೂ. ಮೀಸಲಾತಿ.

ಎಲ್ಲಾ ಸರ್ಕಾರಿ ವಿಶ್ವವಿದ್ಯಾಲಯಗಳಲ್ಲಿ ನಾರಾಯಣಗುರು ಅಧ್ಯಯನ ಕೇಂದ್ರಗಳು ಮತ್ತು ಕನಿಷ್ಠ ಒಂದು ವಿಶ್ವವಿದ್ಯಾಲಯಕ್ಕೆ ಅವರ ಹೆಸರಿಡುವಂತೆ ಒತ್ತಾಯ.

ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಕೋಟಿ ಚೆನ್ನಯ್ಯ ಅವರ ಹೆಸರಿಡಲು ಬೇಡಿಕೆ.

ಶಿವಮೊಗ್ಗ, ಮಂಗಳೂರು, ಕಾರವಾರ, ಉಡುಪಿಯಲ್ಲಿ ಐಎಎಸ್/ಐಪಿಎಸ್ ತರಬೇತಿ ಕೇಂದ್ರಗಳಿಗೆ ತಲಾ 5 ಎಕರೆ ಭೂಮಿ ನೀಡುವಂತೆ ಕರೆ.

ಸಮುದಾಯಕ್ಕೆ 6 ಶಾಸಕರು, 6 ಎಂಎಲ್ಸಿಗಳು ಇದ್ದರೂ ಸಚಿವ ಸಂಪುಟದಲ್ಲಿ ಒಬ್ಬರೇ ಸಚಿವ ಇರುವುದನ್ನು ಸ್ವಾಮೀಜಿ ವಿರೋಧಿಸಿದರು.

ವಂಶಾವಳಿ ಅಧ್ಯಯನಕ್ಕಾಗಿ ಮಂಜೂರಾದ 25 ಲಕ್ಷ ರೂ. ಕಾರ್ಯ ಮುಂದುವರಿಯುತ್ತಿದೆ.

ಕೆಂಪುಕೋಟೆ ಸ್ಫೋಟವನ್ನು ಖಂಡಿಸಿ, ಭಯೋತ್ಪಾದನೆಗೆ ಧರ್ಮವಿಲ್ಲ ಎಂದು ಸ್ವಾಮೀಜಿ ಸ್ಪಷ್ಟನೆ.

ಸಂತರಿಗೆ ದೇಶದ ವಿಮಾನ ನಿಲ್ದಾಣಗಳಲ್ಲಿ ವಿಶೇಷ ಸವಲತ್ತು ಮಾರ್ಗಗಳು, ಟೋಲ್‌ಗೇಟ್ ವಿನಾಯಿತಿಗಳು ನೀಡುವಂತೆ ಬೇಡಿಕೆ.

ಈ ಎಲ್ಲಾ ಪ್ರಮುಖ ಬೇಡಿಕೆಗಳು ಸೇರಿ, ಪಾದಯಾತ್ರೆಯಲ್ಲಿ ಈ 18 ಪ್ರಮುಖ ಬೇಡಿಕೆಗಳನ್ನು ಪ್ರತಿ ಹಂತದಲ್ಲೂ ಸರ್ಕಾರದ ಗಮನಕ್ಕೆ ತರುವುದಾಗಿ ಸ್ವಾಮೀಜಿ ತಿಳಿಸಿದರು.