ಟಾಟಾ ಮೋಟಾರ್ಸ್ ಬಹು ನಿರೀಕ್ಷಿತ ಮಧ್ಯಮ ಗಾತ್ರದ SUV ಟಾಟಾ ಸಿಯೆರಾ ಅನ್ನು ಮರು ಪರಿಚಯಿಸಿ ಭಾರತೀಯ ಮಾರುಕಟ್ಟೆಯಲ್ಲಿ ದೊಡ್ಡ ಸದ್ದು ಮಾಡಿದೆ. ಹಲವು ವರ್ಷಗಳ ನಂತರ ಜನಪ್ರಿಯ ಸಿಯೆರಾ ಮತ್ತೆ ಮರಳಿ ಬಂದಿದೆ ಮತ್ತು ಈ ಬಾರಿ ಅದರ ಲುಕ್ ಮತ್ತು ಬೆಲೆ ಗ್ರಾಹಕರ ಮನ ಗೆಲ್ಲುತ್ತಿದೆ. ಮಾರುಕಟ್ಟೆಯಲ್ಲಿ ಅಕ್ರಮಣಕಾರಿ ಬೆಲೆಯೊಂದಿಗೆ ಲಾಂಚ್ ಆಗಿದ್ದು, ಆರಂಭಿಕ ಬೆಲೆ ₹11.49 ಲಕ್ಷವಾಗಿದೆ. ಹ್ಯುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್ ಮೊದಲಾದ SUV ಗಳಿಗೆ ನೇರ ಪೈಪೋಟಿ ನೀಡಲಿದೆ.
ಹೊಸ ಸಿಯೆರಾದ ಎಂಜಿನ್ – ಟಾಟಾದಲ್ಲಿ ಮೊದಲ ಬಾರಿಗೆ ನೀಡಿರುವ ಶಕ್ತಿ
ಹೊಸ Tata Sierra ಯಲ್ಲಿ ಟಾಟಾ ಮೊದಲ ಬಾರಿಗೆ 1.5 ಲೀಟರ್ ಟರ್ಬೋ-ಚಾರ್ಜ್ಡ್ ಡೈರೆಕ್ಟ್ ಇಂಜೆಕ್ಷನ್ ಪೆಟ್ರೋಲ್ ಎಂಜಿನ್ ಅನ್ನು ಪರಿಚಯಿಸಿದೆ. ಈ ಎಂಜಿನ್ 158–170 bhp ಶಕ್ತಿ ಹಾಗೂ 280 Nm ಟಾರ್ಕ್ ನೀಡುತ್ತದೆ. ಇದು ಈ ಸೆಗ್ಮೆಂಟ್ನಲ್ಲೇ ಹೆಚ್ಚು ಶಕ್ತಿಶಾಲಿ SUV ಗಳಲ್ಲೊಂದಾಗಿದೆ.
ಎರಡು ಎಂಜಿನ್ ಆಯ್ಕೆಗಳಿವೆ:
• 1.5L ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್
• 1.5L ಟರ್ಬೋ ಡೀಸೆಲ್ – 116 bhp ಶಕ್ತಿ
ಎಲ್ಲಾ ರೂಪಾಂತರಗಳಲ್ಲಿ ಹಸ್ತಚಾಲಿತ ಹಾಗೂ ಸ್ವಯಂಚಾಲಿತ ಗೇರ್ ಬಾಕ್ಸ್ ಲಭ್ಯವಿದೆ.
ಇಂಟೀರಿಯರ್ – ಮೊದಲ ಬಾರಿಗೆ ಟ್ರಿಪಲ್ ಸ್ಕ್ರೀನ್
ಸಿಯೆರಾ ತನ್ನ ವರ್ಗದಲ್ಲಿ ಮೊದಲ ಬಾರಿ ಟ್ರಿಪಲ್-ಸ್ಕ್ರೀನ್ ಡಿಜಿಟಲ್ ಕಾಕ್ಪಿಟ್ ಅನ್ನು ನೀಡಿದೆ:
• 12.3 ಇಂಚಿನ ಸೆಂಟ್ರಲ್ ಟಚ್ ಸ್ಕ್ರೀನ್
• ಪ್ಯಾಸೆಂಜರ್-ಸೈಡ್ ಡಿಜಿಟಲ್ ಡಿಸ್ಪ್ಲೇ
• ಫುಲ್ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್
ಇನ್ನು 12-ಸ್ಪೀಕರ್ JBL ಸೌಂಡ್, ಪನೋರಮಿಕ್ ಸನ್ರೂಫ್, ವೆಂಟಿಲೇಟೆಡ್ ಫ್ರಂಟ್ ಸೀಟುಗಳು, ಕನೆಕ್ಟೆಡ್ ಕಾರ್ ಫೀಚರ್ಗಳೊಂದಿಗೆ ಪ್ರೀಮಿಯಂ ಅನುಭವ ನೀಡಲಿದೆ.
ಸುರಕ್ಷತಾ ವೈಶಿಷ್ಟ್ಯ
• 6 ಏರ್ಬ್ಯಾಗ್ಗಳು
• ABS + EBD
• Electronic Stability Control
• Hill Assist
• Level–2 ADAS
ಈ ಎಲ್ಲಾ ವೈಶಿಷ್ಟ್ಯಗಳಿಂದ ಸಿಯೆರಾ ಗ್ಲೋಬಲ್ NCAP ಮತ್ತು ಭಾರತ್ NCAP ನಲ್ಲಿ ಅತ್ಯುನ್ನತ ಸುರಕ್ಷತಾ ರೇಟಿಂಗ್ ಪಡೆಯಲು ನೆರವಾಯಿತು.
ಮಾರುಕಟ್ಟೆ ಸ್ಪರ್ಧೆಗಳು
ಭಾರತದಲ್ಲಿ FY2025 ಮಾರಾಟದ ಪ್ರಕಾರ:
• Hyundai Creta – 1,94,871 ಯುನಿಟ್ ಮಾರಾಟವಾಗಿದೆ.
• Maruti Grand Vitara – 1,23,946 ಯುನಿಟ್ ಮಾರಾಟವಾಗಿದೆ.
ಈ ಗಟ್ಟಿ ಸ್ಪರ್ಧೆಯಲ್ಲಿ ಟಾಟಾ ಸಿಯೆರಾ ತನ್ನ ಹೊಸ ಲುಕ್, ಬೆಲೆ ಮತ್ತು ಫೀಚರ್ಗಳಿಂದ ಗ್ರಾಹಕರ ಗಮನ ಸೆಳೆಯಲು ಖಚಿತವಾಗಿ ಸಜ್ಜಾಗಿದೆ ಎನ್ನುತ್ತಾರೆ ವಾಹನ ಮಾರುಕಟ್ಟೆ ತಜ್ಞರು.
One more reason to Escape Mediocre SUVs.
— Tata Motors Cars (@TataMotors_Cars) November 25, 2025
Tata Sierra. Introductory price starts at ₹11.49 Lakh*
Because we care that premium shouldn’t be for a few. It starts here.
Pre-book now: https://t.co/OpLIrVICxD
*T&C apply.#Sierra #TataSierra #EscapeMediocre pic.twitter.com/mDWYwN13vn
