ದೆಹಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ತಮ್ಮ ವಿದೇಶಾಂಗ ಪ್ರವಾಸಗಳ ಸಂದರ್ಭದಲ್ಲಿ ಸಾಧಿಸಿರುವ ಮತ್ತೊಂದು ಅಪರೂಪದ ದಾಖಲೆಗೆ ಬಿಜೆಪಿ ಶ್ಲಾಘನೆಯ ಮಾತುಗಳನ್ನು ಹೊರಡಿಸಿದೆ. ಇದೀಗ ಅವರು ಒಟ್ಟು 16 ವಿದೇಶಿ ದೇಶಗಳ ಸಂಸತ್ತಿನಲ್ಲಿ ಭಾಷಣ ಮಾಡಿರುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಆಸ್ಟ್ರೇಲಿಯಾ, ಫಿಜಿ, ಉಗಾಂಡ, ಶ್ರೀಲಂಕಾ ಸೇರಿದಂತೆ ಹಲವಾರು ರಾಷ್ಟ್ರಗಳಲ್ಲಿ ಮೋದಿ ಭಾಷಣ ಮಾಡಿದರೆಂದು ಸರ್ಕಾರದ ಮೂಲಗಳು ತಿಳಿಸಿವೆ. ಇದು ಮುಂಚಿನ ಕಾಂಗ್ರೆಸ್ ಸರ್ಕಾರದ ಪ್ರಮುಖ ನಾಯಕರುಗಳು ಸೇರಿ ಈ ಮಟ್ಟಕ್ಕೆ ತಲುಪಿದ ಸಂಖ್ಯೆಯಷ್ಟೆ ಎಂಬುದು ಗಮನಾರ್ಹ ವಿಷಯವಾಗಿದೆ.

ಬಿಜೆಪಿ ಕಾರ್ಯಕರ್ತರು ಈ ಹಿನ್ನಲೆಯಲ್ಲಿ ವಿಡಿಯೋಗಳು, ಗ್ರಾಫಿಕ್ಸ್‌ಗಳು ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಚಾರ ಮಾಡುವ ಮೂಲಕ ಮೋದಿಯ ಸಾಧನೆಯನ್ನು ಸ್ಮರಿಸುತ್ತಿದ್ದಾರೆ.

ಈ ಹಿಂದೆ ಕಾಂಗ್ರೆಸ್ ಪಕ್ಷದಿಂದ ಪ್ರಧಾನಮಂತ್ರಿಗಳಾದ ಜವಾಹರಲಾಲ್ ನೆಹರು 3 ಬಾರಿ, ಇಂದಿರಾ ಗಾಂಧಿ 4 ಬಾರಿ, ರಾಜೀವ್ ಗಾಂಧಿ 2 ಬಾರಿ, ಪಿ.ವಿ. ನರಸಿಂಹ ರಾವ್ 1 ಬಾರಿ ಮತ್ತು ಡಾ. ಮನಮೋಹನ್ ಸಿಂಗ್ 7 ಬಾರಿ ವಿದೇಶಿ ಸಂಸತ್ತಿನಲ್ಲಿ ಭಾಷಣ ಮಾಡಿದ್ದಾರೆ. ಈ ಎಲ್ಲರನ್ನು ಸೇರಿಸಿ ಒಟ್ಟು 17 ಭಾಷಣಗಳು ನಡೆದಿವೆ.

ಆದರೆ ಪ್ರಧಾನಿ ನರೇಂದ್ರ ಮೋದಿ ಒಬ್ಬರೇ ತಮ್ಮ 11 ವರ್ಷಗಳ ಆಡಳಿತದಲ್ಲಿ ಈ ಸಂಖ್ಯೆಗೆ ತಲುಪಿರುವುದು ಹೊಸ ದಾಖಲೆ ಎಂದು ಬಿಜೆಪಿ ಹಿಗ್ಗಿ ಹೇಳುತ್ತಿದೆ