ಮಂಗಳೂರು: ನಗರ ಪೊಲೀಸರು ಕಳೆದ ಮೂರು ತಿಂಗಳಲ್ಲಿ ಅಕ್ರಮ ಪಾರ್ಕಿಂಗ್, ಟಿಂಟೆಡ್ ಗ್ಲಾಸ್ ಬಳಕೆ ಮತ್ತು ಅತಿವೇಗದಂತಹ ಟ್ರಾಫಿಕ್ ನಿಯಮ ಉಲ್ಲಂಘನೆಗಳ ವಿರುದ್ಧ ಕಠಿಣ ಕ್ರಮ ಕೈಗೊಂಡಿದ್ದಾರೆ. ಈ ಅವಧಿಯಲ್ಲಿ ಒಟ್ಟು 11,220 ಪ್ರಕರಣಗಳನ್ನು ದಾಖಲಿಸಿ ₹53,69,100 ದಂಡ ವಸೂಲಿಸಲಾಗಿದೆ.

ನಗರ ಪೊಲೀಸ್ ಆಯುಕ್ತ ಸುಧೀರ್ ಕುಮಾರ್ ರೆಡ್ಡಿ ಅವರ ನೇತೃತ್ವದಲ್ಲಿ ನಡೆದ ಈ ವಿಶೇಷ ಅಭಿಯಾನದ ಉದ್ದೇಶ — ಸಂಚಾರ ಸುಗಮಗೊಳಿಸುವುದು ಮತ್ತು ಸಾರ್ವಜನಿಕ ದೂರುಗಳನ್ನು ಪರಿಹರಿಸುವುದಾಗಿದೆ.

ಇದರಲ್ಲಿ ನೋ ಪಾರ್ಕಿಂಗ್, ರಾಂಗ್ ಪಾರ್ಕಿಂಗ್, ಡಬಲ್ ಪಾರ್ಕಿಂಗ್ ಮತ್ತು ಫುಟ್‌ಪಾತ್ ಪಾರ್ಕಿಂಗ್ಸೇರಿದಂತೆ 4,793 ಪ್ರಕರಣಗಳಲ್ಲಿ ₹23,21,200 ದಂಡ ವಿಧಿಸಲಾಗಿದೆ.

ಆಯುಕ್ತ ರೆಡ್ಡಿ ಅವರು, “ಸಾರ್ವಜನಿಕರು ಸಹ ಸಂಚಾರ ನಿಯಮ ಪಾಲನೆಗೆ ಸಹಕರಿಸಬೇಕು. ಇದು ಮಂಗಳೂರಿನ ರಸ್ತೆಗಳಲ್ಲಿ ಶಿಸ್ತು ಮತ್ತು ಸುರಕ್ಷತೆಗಾಗಿ ಅಗತ್ಯ,” ಎಂದು ತಿಳಿಸಿದ್ದಾರೆ.