ಜ್ಯೋತಿರ್ಮಠ ಶಂಕರಾಚಾರ್ಯ ಸ್ವಾಮಿ ಅವಿಮುಕ್ತೇಶ್ವರಾನಂದ ಸರಸ್ವತಿ ಅವರು ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ಅವರನ್ನು ಹಿಂದೂ ಧರ್ಮದಿಂದ ಹೊರಹಾಕಿದ್ದಾರೆ.
ಸಂಸತ್ತಿನಲ್ಲಿ ಮನುಸ್ಮೃತಿಯ ಕುರಿತಾದ ರಾಹುಲ್ ಗಾಂಧಿಯವರ ಹೇಳಿಕೆಗಳು ಸನಾತನ ಧರ್ಮವನ್ನು ಅವಮಾನಿಸಿವೆ ಮತ್ತು ಸ್ಪಷ್ಟೀಕರಣ ಕೋರಿದ ಮನವಿಗಳಿಗೆ ಉತ್ತರಿಸಲು ವಿಫಲವಾದ ಕಾರಣ ಅವರನ್ನು ಹಿಂದೂ ಧರ್ಮದಿಂದ ರಾಹುಲ್ ಗಾಂಧಿಯನ್ನು ಬಹಿಷ್ಕರಿಸಲಾಗಿದೆ ಎಂದು ಶಂಕರಾಚಾರ್ಯರು ಶನಿವಾರ ಹೇಳಿದ್ದಾರೆ.
ಮನುಸ್ಮೃತಿ ಅತ್ಯಾಚಾರಿಗಳನ್ನು ರಕ್ಷಿಸುತ್ತದೆ ಎಂಬ ತಮ್ಮ ಹೇಳಿಕೆಯನ್ನು ಸ್ಪಷ್ಟಪಡಿಸುವ ರಾಹುಲ್ ಗಾಂಧಿಯವರ ಉತ್ತರಕ್ಕಾಗಿ ಮೂರು ತಿಂಗಳು ಕಾಯುತ್ತಿದ್ದೆ. ಕಾಂಗ್ರೆಸ್ ಸಂಸದರಿಗೆ ಜ್ಞಾಪನೆಯನ್ನು ಸಹ ಕಳುಹಿಸಲಾಗಿದೆ, ಆದರೆ ಅವರು ಪ್ರತಿಕ್ರಿಯಿಸಲು ನಿರ್ಲಕ್ಷಿಸಿದ್ದಾರೆ, ರಾಹುಲ್ ಗಾಂಧಿ ಹಿಂದೂ ಧರ್ಮದ ವಿರುದ್ಧ ವರ್ತಿಸುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.
"ಅವರನ್ನು ದೇವಾಲಯಗಳಿಂದ ನಿಷೇಧಿಸಬೇಕು ಮತ್ತು ಅರ್ಚಕರು ಅವರಿಗೆ ಪೂಜೆ ಸಲ್ಲಿಸಬಾರದು ಎಂಬ ನಿರ್ಧಾರವನ್ನು ನಾವು ತೆಗೆದುಕೊಂಡಿದ್ದೇವೆ" ಎಂದು ಶಂಕರಾಚಾರ್ಯರು ಹೇಳಿದರು. ಈ ವರ್ಷದ ಆರಂಭದಲ್ಲಿ ಕುಂಭಮೇಳದ ಸಮಯದಲ್ಲಿ, ಮನುಸ್ಮೃತಿಯ ಬಗ್ಗೆ ಅವಹೇಳನಕಾರಿ ನೀಡಿದ್ದರು ರಾಹುಲ್ ಗಾಂಧಿ.
"ತಮ್ಮ ಭಾಷಣದ ಸಮಯದಲ್ಲಿ, ಅವರು ಮೊದಲು ಆಡಳಿತ ಪಕ್ಷದ ಸದಸ್ಯರನ್ನು ಗುರಿಯಾಗಿಸಿಕೊಂಡು ನಂತರ ಮನುಸ್ಮೃತಿಯ ವಿರುದ್ಧ ಹೇಳಿಕೆ ನೀಡಿದರು. ಇದು ನಮ್ಮ ಧರ್ಮಗ್ರಂಥ. ಆಡಳಿತ ಪಕ್ಷದ ಪೀಠಗಳತ್ತ ಬೆರಳು ತೋರಿಸಿ ಗಾಂಧಿಯವರು, ಅದು 'ನಿಮ್ಮ ಪುಸ್ತಕ'ದಲ್ಲಿ ಬರೆಯಲ್ಪಟ್ಟಿದೆ ಎಂದು ಹೇಳಿದ್ದರು, ಅಂದರೆ ಅವರು ತಮ್ಮನ್ನು ತಾವು ಹಿಂದೂ ಎಂದು ಪರಿಗಣಿಸುವುದಿಲ್ಲ. ಮನುಸ್ಮೃತಿಯನ್ನು ತನ್ನ ಪಠ್ಯವೆಂದು ಪರಿಗಣಿಸದ ವ್ಯಕ್ತಿ ಹಿಂದೂ ಆಗಿರಲು ಸಾಧ್ಯವಿಲ್ಲ" ಎಂದು ಹೇಳಿದರು.
ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಲೋಕಸಭೆಯಲ್ಲಿ ರಾಹುಲ್ ಗಾಂಧಿ, ಮನುಸ್ಮೃತಿ ಅತ್ಯಾಚಾರಿಗಳನ್ನು ರಕ್ಷಿಸುತ್ತದೆ ಎಂದು ಹೇಳಿದ್ದರು, ಹಿಂದೂ ಪುಸ್ತಕವನ್ನು ಸಂವಿಧಾನದೊಂದಿಗೆ ಹೋಲಿಸಿದ್ದರು. ಬಿಜೆಪಿಗೆ ಮನುಸ್ಮೃತಿ ಸಂವಿಧಾನಕ್ಕಿಂತ ಶ್ರೇಷ್ಠ ಎಂದು ಅವರು ಹೇಳಿದ್ದರು.
ಗಮನಾರ್ಹವಾಗಿ, ವಿವಾದಾತ್ಮಕ ಶಂಕರಾಚಾರ್ಯರು ಕಳೆದ ವರ್ಷ ಸಂಸತ್ತಿನಲ್ಲಿ ರಾಹುಲ್ ಗಾಂಧಿಯವರ ಹಿಂದೂ ಧರ್ಮದ ಮೇಲಿನ ಇದೇ ರೀತಿಯ ದಾಳಿಯನ್ನು ಬೆಂಬಲಿಸಿದ್ದರು ಮತ್ತು ಸಮರ್ಥಿಸಿಕೊಂಡಿದ್ದರು. ರಾಹುಲ್ ಗಾಂಧಿಯವರ ಭಾಷಣವು ಹಿಂದೂ ಧರ್ಮಕ್ಕೆ ವಿರುದ್ಧವಾಗಿಲ್ಲ ಎಂದು ಅವರು ಹೇಳಿಕೊಂಡಿದ್ದರು.
ಆದರೆ ಈಗ ಅದೇ ಶಂಕರಾಚಾರ್ಯರು ರಾಹುಲ್ ಗಾಂಧಿಯನ್ನು ಹಿಂದೂ ಧರ್ಮದಿಂದ ಉಚ್ಚಾಟನೆ ಮಾಡಿ ಸುದ್ದಿಯಲ್ಲಿದ್ದಾರೆ.
