ಮಂಗಳೂರು: ನಗರದ ಕದ್ರಿಯಲ್ಲಿರುವ ಶ್ರೀ ಮಂಜುನಾಥ ದೇವಾಲಯದ ಪವಿತ್ರ ತೀರ್ಥಸ್ನಾನದ ಕೊಳದಲ್ಲಿ ಅಪರೂಪದ ಶಿಲ್ಪಿವೊಂದು ಪತ್ತೆಯಾಗಿದೆ. ಈ ಶಿಲ್ಪವು ಕಮಲದ ಪೀಠದ ಮೇಲೆ ಕುಳಿತಿರುವ ಬುದ್ಧನನ್ನು ಚಿತ್ರಿಸುತ್ತಿದೆ.

ತೀರ್ಥಸ್ನಾನದ ಕೊಳದಲ್ಲಿ ಮುಳುಗಡೆಯಾಗಿದ್ದ ಈ ಪ್ರತಿಮೆಯ ಪದ್ಮಪೀಠದಲ್ಲಿ ಕುಳಿತು ಧ್ಯಾನ ಮಾಡುವ ಭಂಗಿಯಲ್ಲಿದ್ದು, ಬಲಗೈ ಸಂಪೂರ್ಣವಾಗಿ ಮುರಿದುಹೋಗಿದೆ ಮತ್ತು ಎಡಗೈ ಮಡಿಚಿದ ಕಾಲುಗಳ ಮಧ್ಯೆ ಸಿಕ್ಕಿಹಾಕಿಕೊಂಡಿದೆ. ಶಿಲ್ಪದ ತಲೆ ಕೂಡ ಕಾಣೆಯಾಗಿದೆ.

ದೇವಾಲಯದ ಅಧಿಕಾರಿಗಳ ಅನುಮತಿಯೊಂದಿಗೆ ಈ ಸಂಶೋಧನೆ ಮತ್ತು ಆವಿಷ್ಕಾರ ನಡೆಸಲಾಗಿದೆ. ಪುರಾತತ್ತ್ವ ಶಾಸ್ತ್ರದ ಆವಿಷ್ಕಾರದಲ್ಲಿ ಪತ್ತೆಯಾದ ಈ ಶಿಲ್ಪವು 68 ಸೆಂ.ಮೀ ಎತ್ತರವಾಗಿದ್ದು, 48 ಸೆಂ.ಮೀ ಅಗಲವಾಗಿದೆ. ಕ್ರಿ.ಶ 4 ರಿಂದ 6ನೇ ಶತಮಾನದ ಶಿಲ್ಪವೆಂದು ಮೇಲ್ನೋಟಕ್ಕೆ ಪತ್ತೆಹಚ್ಚಲಾಗಿದ್ದು ಹೆಚ್ಚಿನ ತನಿಖೆಗೆ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ ಎಂದು ತಿಳಿದು ಬಂದಿದೆ.