ಮಂಗಳೂರು: ದಕ್ಷಿಣ ಕನ್ನಡದಲ್ಲಿ ಸ್ಟಾರ್ ಹೋಟೆಲ್ ಗಳು ತಲೆಯೆತ್ತಲಿವೆ. ಇದು ಹೋಟೆಲ್ ರಂಗದಲ್ಲಿ ಅತೀ ದೊಡ್ಡ ಬೆಳವಣಿಗೆ ಎನ್ನಲಾಗಿದೆ. ಪ್ರಖ್ಯಾತ ಹೋಟೆಲ್ ಸಂಸ್ಥೆಯಾದ 'ದಿ ಗ್ರ್ಯಾಂಡ್ ಹಯಾತ್ ( The Grand Hyatt) ಐಷಾರಾಮಿ 5 ಸ್ಟಾರ್ ಹೋಟೆಲ್ ಮಂಗಳೂರು ಪಕ್ಕದ ಬೊಕ್ಕಪಟ್ಟಣದಲ್ಲಿ ನಿರ್ಮಾಣ ಹಂತದಲ್ಲಿದೆ. ನಗರದಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಆಧುನಿಕ ಸೌಲಭ್ಯಗಳು ಈ ಹೋಟೆಲ್ ಮೂಲಕ ಲಭ್ಯವಾಗಲಿದೆ ಎಂದು ಹೋಟೆಲ್ ನಿರ್ವಾಹಕರು ತಿಳಿಸಿದ್ದಾರೆ.

ಸುಮಾರು 150 ರೂಮ್ ಹೊಂದಿದ್ದು, ಆಧುನಿಕ ಮತ್ತು ವಿಶಾಲ ಲಕ್ಸುರಿ ರೂಮ್ಸ್ ಗಳು ಈ ಹೋಟೆಲ್ ನಲ್ಲಿ ಇರಲಿವೆ. 5 ಪ್ರೀಮಿಯಂ ಡೈನಿಂಗ್ ರೆಸ್ಟೋರೆಂಟ್‌ಗಳು ಕೂಡ ಈ ಹೋಟೆಲ್ ಒಳಗಡೆ ಇರಲಿದೆ ಎಂದು ತಿಳಿದುಬಂದಿದೆ.

ಬೊಕ್ಕಪಟ್ಟಣದಲ್ಲಿ ನಿರ್ಮಾಣವಾಗುತ್ತಿರುವ ಗ್ರಾಂಡ್ ಹಯಾತ್ ಹೋಟೆಲ್ ನ ಪ್ರಮುಖ ಆಕರ್ಷಣೆ ಎಂದರೆ ಗುರುಪುರ ನದಿಯ ನೋಟವನ್ನು ಹೋಟೆಲ್ ನ ಕೆಲ ಭಾಗಗಳಿಂದ ನೋಡಬಹುದಾಗಿದೆ.

5 ಸ್ಟಾರ್ ಹೋಟೆಲ್ ಬರುವ ಮೂಲಕ ಮಂಗಳೂರು ಪ್ರವಾಸೋದ್ಯಮ ಹಾಗೂ ಹೋಟೆಲ್ ಉದ್ಯಮಕ್ಕೆ ದೊಡ್ಡ ಪ್ರೇರಣೆ ದೊರೆಯಲಿದೆ. ವ್ಯಾಪಾರಿಕ ಮತ್ತು ಪ್ರವಾಸಿಗರನ್ನು ಸೆಳೆಯುವಂತೆ ಅಂತಾರಾಷ್ಟ್ರೀಯ ಮಟ್ಟದ ಸೇವೆಗಳು, ಆಧುನಿಕ ಇಂಟೀರಿಯರ್‌, ಹಲವು ರೆಸ್ಟೋರೆಂಟ್‌ಗಳು, ನದೀರೇಖೆ ನೋಟಗಳು ಈ ಹೋಟೆಲ್‌ನಲ್ಲಿ ಲಭ್ಯವಾಗಲಿದೆ.

ನಿರ್ಮಾಣದ ಸಮಯ ಮತ್ತು ಉದ್ಘಾಟನೆಯ ದಿನಾಂಕಗಳ ಬಗ್ಗೆ ಅಧಿಕೃತ ಮಾಹಿತಿ ಇನ್ನೂ ಪ್ರಕಟವಾಗಿಲ್ಲ, ಆದರೆ ನಗರದಲ್ಲಿ ಉನ್ನತ ಮಟ್ಟದ ಹೋಟೆಲ್ ಯೋಜನೆಗಳ ಮೇಲೆ ಹೂಡಿಕೆಗೆ ಆಸಕ್ತಿ ಹೆಚ್ಚುತ್ತಿದೆ.